ესპანეთის კრიმინალური პოლიციის, საქართველოს კრიმინალური პოლიციის და ესპანეთის სამეფოში საქართველოს პოლიციის ატაშეს თანამშრომლობით, ორგანიზებულ-დანაშაულებრივი ჯგუფი დააკავეს.
შსს-ს ცნობით, ესპანეთის სამეფოს ქალაქებში - მადრიდსა და ბარსელონაში ერთდროულად ჩატარდა მასშტაბური სპეცოპერაცია, რომლის შედეგადაც დაკავებულია 23 პირი, მათ შორის საქართველოს 19 მოქალაქე.
დაკავებულებს ბრალად ედებათ ორგანიზებულ-დანაშაულებრივი ჯგუფის წევრობა, ბინის ქურდობა და ფულის გათეთრება.
"ესპანელმა სამართალდამცველებმა, სპეცოპერაციის შედეგად, დიდი რაოდენობით ფული და ნაქურდალი ნივთები ნივთმტკიცებად ამოიღეს" - აცხადებს საქართველოს შინაგან საქმეთა სამინისტრო.
