მართლმადიდებელ მშობელთა კავშირთან აფილირებული რადიკალური ჯგუფის ერთ-ერთი ყველაზე აგრესიული წევრი, დავით შალამბერიძე, ქორეპისკოპოსმა თეოდორე ჭუაძემ დიაკვნად აკურთხა.
შალამბერიძე, 2010 წელს, ტელეკომპანია კავასიაში შეჭრის, ჯგუფური ხულიგნობისა და ჟურნალისტის პროფესიულ საქმიანობაში უკანონოდ ხელის შეშლის ბრალდებით იხდიდა სასჯელს. ამავე საქმის კიდევ ერთი მონაწილე, ავთანდილ ზუმბაძე დიაკვნად გასულ წელს აკურთხეს.
ახლადნაკურთხი დიაკონი, რადიკალური მართლმადიდებლური ჯგუფის მიერ მოწყობილი მრავალი აქციის მონაწილეა.