საქართველოს პრეზიდენტი გიორგი მარგველაშვილი ბორჯომის ხეობაში ჩავიდა და ადგილზე ეცნობა ხანძრის სალიკვიდაციო სამუშაოებს. ინფორმაციას ამის შესახებ პრეზიდენტის ადმინისტრაცია ავრცელებს.
მათივე ცნობით, მარგველაშვილს სალიკვიდაციო სამუშაოების შესახებ ინფორმა პრემიერმინსტრმა გიორგი კვირიკაშვილმა და საგანგებო შტაბის წევრებმა მიაწოდეს.
ბორჯომის ხეობაში ხანძრის ჩაქრობას მეოთხე დღეა, ცდილობენ. ქარის და მაღალი ტემპერატურის გამო, ხანძრის კერები რამდენჯერმე გაღვივდა და ცეცხლმა მოიმატა. ხანძრის ჩაქრობას ხუთი ვერტმფრენი, ათეულობით მძიმე ტექნიკა და რამდენიმე ასეული მეხანძრე-მაშველი ცდილობს.
