თეირანში მომხდარი თავდასხმების შედეგად დაღუპულთა რაოდენობა 12-მდე გაიზარდა.
დღეს დილით, შეიარაღებული პირები ირანის პარლამენტსა და აიათოლა ხომეინის მავზოლეუმში შეიჭრნენ.
გავრცელებული ინფორმაციით, თავდასხმებში 3 ან 4 ადამიანი მონაწილეობდა. პარლამენტში ცეცხლის გახსნის შედეგად დაიღუპა დაცვის თანამშრომლები, არიან დაჭრილებიც.
თავდამსხმელთაგან ერთ-ერთი თვითმკვლელი ტერორისტი ქალი იყო.
ტერაქტზე პასუხისმგებლობა ე.წ. ისლამურმა სახელმწიფომ აიღო.
