ამერიკის შეერთებული შტატების საზღვრის კონტროლის დეპარტამენტის წევრებმა, ნიუ-იორკის აეროპორტში 2 მამაკაცი ნარკოტიკების გადატანისთვის დაიჭირეს.
დაკავებულებს დომინიკის რესპუბლიკიდან ნიუ-იორკში, 10 კილოგრამი კოკაინი ტანსაცმლის ქვეშ, ფეხებზე შეფუთულ მდგომარეობაში გადაჰქონდათ.
საზღვრის კონტროლის დეპარტამენტის წევრების თქმით, მსგავსი შემთხვევა ერთი თვის წინაც ჰქონდათ, რა დროსაც ტანსაცმლის ქვეშ შეფუთული კოკაინის გადატანისთვის 2 პირი დააკავეს.
10 კილოგრამი კოკაინის გადატანისთვის დაკავებულები, ერთი რეისით მგზავრობდნენ. თუმცა, მათ შორის კავშირი ამ დროისთვის, დადასტურებული არ არის.