რა განგვასხვავებს მიხეილ სააკაშვილისგან და ასეთი ოპორტუნისტებისგან როგორიც ნიკა მელიაა - ესაა დამოკიდებულება არჩევნების მიმართ, ეს არის დამოკიდებულება პარლამენტში შესვლის მიმართ, ეს არის ზოგადად წარმოდგენა როგორ უნდა იმართებოდეს პარტია. თუ ლიდერი დღეს ერთს იტყვის და ხვალ მეორეს, ორივეჯერ მართალია - ეს დამოკიდებულება იყო და არის მიუღებელი. ჩვენ გვჭირდება გუნდი, რომელიც ბელადის ბრძანებაზე კი არ დადის, არამედ პოლიტიკური პრინციპების მიხედვით მოღვაწეობს. დამოკიდებულება, რომ ლიდერის გარეშე ვინმე ნულია, არასწორია. უპირობო ლიდერები არ არსებობენ. უნდა გამოვყო კიდევ ერთი განსხვავება, რომელიც მომავალთანაა კავშირში, მიუხედავად იმისა, რომ წარსულს ეხება. ეს არის ჩვენი საერთო წარსულის შეფასება. ჩვენ მიხეილ სააკაშვილისგან მუდმივად გვესმის ეს ფრაზა, რომ თავზე ნაცრის ყრას უნდა შევეშვათ. ის ამაში გულისხმობს, ჩვენს კრიტიკულობას ზოგიერთი ასპექტის მიმართ ჩვენი გუნდის ხელისუფლებაში ყოფნისას. მე ეს მიმაჩნია საკვანძო საკითხად, იმიტომ, რომ ამ კატასტროფის ფონზე, რაც ივანიშვილმა შექმნა, ხალხს უნდა შევთავაზოთ მომავლის ძალიან მკაფიო გეგმა. ამ გეგმაში უნდა იყოს გათვალისწინებული ისიც, რაც ჩვენ დროს ვერ გავაკეთეთ ისე, როგორც საჭირო იყო, უფრო მეტიც, რაც ცუდად გავაკეთეთ, ისიც. აქ მე ვინმესკენ კი არ ვიშვერ ხელს, საკუთარ თავს ვგულისხმობ. ეს არის ძირითადი განსხვავებები
tbl.ge/24rw
დაკოპირდა
საპარლამენტო უმცირესობის წევრი გიგა ბოკერია ტელეკომპანია იმედის პირდაპირ ეთერში
ამავე თემაზე
- ახვლედიანი ოპოზიციას: განვიხილოთ პარლამენტში მონაწილეობის მაქსიმალურად შეზღუდვის საკითხი
- კობახიძე: არიან დეპუტატები, რომლებსაც პარლამენტის დატოვება სურთ, მაგრამ პარტიები გაეყოფათ
- ნათელაშვილი ოპოზიციის დეპუტატებს: დატოვეთ პარლამენტი და რეჟიმი რამდენიმე დღეში ჩამოემხობა
- "მთავრობამ მოამზადოს ახალი საკანონმდებლო პაკეტი" – საპარლამენტო ოპოზიციის 7-პუნქტიანი გეგმა
- ბოკერია: რეჟიმის იზოლაცია პარლამენტში ერთი საჭირო კომპონენტია მათი დამარცხებისთვის