ნარმანიასთან მაქვს ერთადერთი რჩევა, ქალაქს სცეს პატივი და წავიდეს. აღიარება არის ყველაზე დიდი ვაჟკაცობა. გუშინ საქებარი ნაბიჯი იყო, რომ ამაზრზენი საქციელის შემდეგ, ეყო ვაჟკაცობა და ბოდიში მოიხადა. ეს მართლა მისაღები და დასაფასებელია, მაგრამ ეს მხოლოდ მესამედი საქმეა, კიდევ ორი მესამედი დარჩა. უნდა ეყოს ღირსება და პატივისცემა და თქვას, რომ ვერ გაართვა თავი, ვერ აწია მან ეს ტვირთი, ვერ ზიდა თბილისის მერობის ტვირთი და უნდა წავიდეს. რაც უფრო გააჯანჯლებს ნარმანია თავის წასვლას, მით უფრო ღრმა სამარეს გაუთხრის ქართულ ოცნებას. ნარმანია ქართული ოცნების პოლიტიკური მესაფლავეა. დგას დიდი ნიჩბით და ამ წინასაარჩევნო პერიოდში საფლავს უთხრის ქართულ ოცნებას. ყველა მაჟორიტარი წააგებს ნარმანიას გადამკიდე.
თბილისის მერია
ელისაშვილი: ნარმანია დგას დიდი ნიჩბით და საფლავს უთხრის ქართულ ოცნებას
