წულუკიანი: 4 წლის მანძილზე იმდენი გაკეთდა, დანაშაულია, რომ ხალხმა ვერ გაიგო

ვისურვებდი, რომ ქართულმა ოცნებამ რაც შეიძლება მალე ამცნოს საზოგადოებას, ვინ სად იყრის კენჭს, იმიტომ, რომ კამპანიას დრო სჭირდება და სწორედ ისეთი კამპანიის მომხრე ვარ მე, როგორიც 2012 წელს ჩავატარეთ, როდესაც თითოეულ ოჯახთან, თითოეულ ადამიანთან მივდიოდით. დღეს სალაპარაკო კიდევ უფრო მეტი გვაქვს, იმიტომ, რომ ოთხი წლის მანძილზე აუარება საქმე გაკეთდა. ვაღიარებ იმასაც, რომ ჩვენ ის ხელისუფლება ვართ, რომელმაც ვერ მიიტანა სათქმელი ბოლომდე საზოგადოებასთან, ოთხი წლის მანძილზე, არადა იმდენი რამ გაკეთდა, რომ ხანდახან ვფიქრობ, ალბათ დანაშაულიც კია, რომ ხალხმა ვერ გაიგო თუ რა გაკეთდა, თუ საკუთარ თავზე არ გამოსცადა ეს. ეს სამუშაო ჩასატარებელია