ჩერგოლეიშვილი: რუსთავი 2-ის დასახურად ივანიშვილი მზადაა, უდიდეს რისკზე წავიდეს

გვახსოვს ჩვენ, ბოლოს, როდესაც რუსთავი 2-ის თემა განსაკუთრებით გაცხელდა, ამ ბატალიებს გადაყვა პრემიერი. დაინიშნა ახალი პრემიერი, რომელიც ჩემს ფანჯარასთან მტრედი რომ ზის, ისე ღუღუნებს და გმობს ძალადობას ჩვენთან ერთად, ითხოვს იქ რაღაც მოგების გადასახადის გაუქმებას. ყველაფერზე გვეთანხმება, მაგრამ კეთდება აბსოლუტურად საპირისპირო, რადგან ის არის მარიონეტი. არაფერი შეცვლილა მისი მოსვლის შემდეგ - სასამართლოზე ზეწოლა გრძელდება, რუსთავი 2 ამის ნათელი მაგალითია, კაბელების საქმე ამისი ნათელი მაგალითია, პოლიტიკურ ოპონენტებზე ძალადობა გრძელდება, ზუსტად ისე, როგორც ღარიბაშვილის დროს ხდებოდა, ამის ნათელი მაგალითია კორცხელის შემთხვევა და ფაქტია, რო კალაძემ აჯობა ახლა პრემიერს, ვერ გაიტანა პრემიერმა თავისი და ფაქტია, რომ არავინ არაფერს გამოიძიებს. ყველაფერი, რაც ხდებოდა ღარიბაშვილის დროს, გრძელდება ახლაც. რატომ? იმიტომ, რომ ამ ყველაფრის სათავე არის ბიძინა ივანიშვილი. ივანიშვილს წარმოუდგენლად მიაჩნია არჩევნების მოგება რუსთავი 2-ის დახურვის გარეშე, შესაბამისად, მზადაა მისთვის და ქვეყნისთვის უდიდეს რისკზე წავიდეს და ეგება სასამართლოს გზით სცადოს რუსთავი 2-ის ჩახშობა