ქრთამის აღების ფაქტზე ხელვაჩაურის საკრებულოს საკუთრების უფლების აღიარების კომისიის თავმჯდომარის მოადგილეა დაკავებული.
გამოძიების მტკიცებით, დავით ქოქოლაძე მოქალაქეს სოფელ ახალსოფელში თვითნებურად დაკავებული მიწის ნაკვეთის საკუთრებაში დარეგისტრირებას დაჰპირდა, სანაცვლოდ კი 3 ათასი დოლარი მოითხოვა.
ბრალდებული თანხის ნაწილის გადაცემის პროცესში დააკავეს. უკვე ყოფილ მაღალჩინოსანს 6-დან 9 წლამდე პატიმრობა ელოდება.