მე ამ ქვეყნის მოქალაქე ვარ და დღეს ქვეყნის თავდაცვის მინისტრი. ჩემი ქვეყნის თავდაცვისუნარიანობა კი ყველაზე უფრო მნიშვნელოვანია. იმედი მაქვს, რომ საქართველოში ყველა პოლიტიკოსი იგივე პრინციპებით ხელმძღვანელობს, ამიტომ ამ ჭორაობაში ჩართვას, რომელიც მხოლოდ არაკეთილგანწყობილი სახელმწიფოს ინტერესებს ემსახურება, არ ვაპირებ. არც ეს ატეხილი ისტერია მესმის, რომ პარლამენტში მიბარებენ. არ მესმის ვირტუალური დაბარება. გამაგებინონ, რომელ საათზე, როდის, სად, თბილისში, თუ ქუთაისშია ნდობის ჯგუფის სხდომა და შემდეგ მოაწყონ ისტერიკა იმაზე, რომ თურმე სადღაც დაბარებული ვყავარ და თუ უარს ვიტყვი იქ მისვლაზე... ეს, რაღაც გაღებული კარის მტვრევა... გავიგე, რომ ადამიანებს ალბათ მოთხოვნილება აქვთ, რომ ამ ისტერიკაში უნდა იყვნენ, მაგრამ ამ ისტერიკის მონაწილე ნამდვილად ვერ გავხდები.
თავდაცვის სამინისტრო
ხიდაშელი პარლამენტში დაბარებაზე: ისტერიკის მონაწილე ნამდვილად ვერ გავხდები
