საქართველოს ევანგელურ-ბაპტისტური და სახარების რწმენის ეკლესია ხვალ მართლმადიდებელ ქრისტიანებთან ერთად იზეიმებენ აღდგომის დღესასწაულს. ღამისთევის ლიტურგია ევანგელურ-ბაპტისტური ეკლესიის მშვიდობის კათედრალში, დღეს, შაბათს, 23:30-ზე დაიწყება და მას თბილელი ეპისკოპოსი, მალხაზ სონღულაშვილი აღასრულებს.
ორმოცდაათიანელთა ეკლესია სააღდგომო ღვთისმსახურებას ხვალ, თბილისში, 11:00-ზე დაიწყებს ეპისკოპოსი ოლეგ ხუბაშვილი.
ზემოხსენებული ორი პროტესტანტული ეკლესია აღდგომას ძველი, ხოლო შობას, ახალი კალენდარული სტილით აღნიშნავს.
