თბილისში არასრულწლოვანმა გოგონამ თავდამსხმელი მამაკაცი აუცილებელი მოგერიების დროს მოკლა. ამის შესახებ ინფორმაციას შინაგან საქმეთა სამინისტრო ავრცელებს.
სამინისტროს ცნობით, გოგონასა და შუახნის მამაკაცს შორის ფიზიკური დაპირისპირება მოხდა, რომლის დროსაც გოგონამ დაჭრა თავდამსხმელი და ის ადგილზე გარდაიცვალა.
არასრულწლოვანი დაკითხეს და ხელწერილის საფუძველზე გაათავისუფლეს.
ჯერჯერობით ცნობილი არ არის, თუ რომელი მუხლით მიმდინარეობს გამოძიება.
