მოსკოვის ვნუკოვოს აეროპორტში მომხდარი ავიაკატასტროფის შედეგად ნავთობკომპანია TOTAL-ის პრეზიდენტი კრისტოფ დე მარჟერი და მისი თვითმფრინავის ეკიპაჟის სამი წევრი დაიღუპა. დე მარჟერი მოსკოვში რუსეთის მთავრობასთან არსებული ინვესტიციების საბჭოს სხდომაზე დასასწრებად იმყოფებოდა.
აფრენისას ფალკონის ტიპის კერძო თვითმფრინავი ასაფრენ ბილიკზე მყოფ თოვლის საწმენდ მანქანას შეეჯახა და გადატრიალდა.
გამოძიების ინფორმაციით, პირი, რომელიც მანქანას მართავდა, ნასვამი იყო. გამოძიება ასევე დისპეტჩერის შეცდომის ვერსიას განიხილავს.
