წულუკიანი: შეიძლება ოპოზიცია დაბრუნდეს ხელისუფლებაში შემდეგ ჯერზე, რატომაც არა

ამის შესახებ საქართველოს იუსტიციის მინისტრმა თეა წულუკიანმა ევროპარლამენტის საგარეო ურთიერთობათა კომიტეტის შეხვედრაზე სიტყვით გამოსვლისას თქვა. შეგახსენებთ, ორი დღით ადრე, გადაცემა არჩევანში წულუკიანმა თავის მთავარ პოლიტიკურ მიზნად ნაციონალურ მოძრაობასთან ბრძოლა დაასახელა, რათა ის აღარასოდეს დაბრუნდეს პოლიტიკაში. „მე ყოველთვის დავრჩები ნაციონალურ მოძრაობასთან მებრძოლი. ჩემი მთავარი პოლიტიკური მიზანია ნაციონალური მოძრაობის წინააღმდეგ ბრძოლა, რომ ისინი აღარასოდეს დაბრუნდნენ პოლიტიკაში“, - თქვა წულუკიანმა.