გუშინ, ქობულეთში გამართულ აქციაზე, რომელიც ისლამური სკოლა-პანსიონის წინააღმდეგ გაიმართა, ადმინისტრაციულ სამართალდარღვევათა კოდექსის 166-ე, საზოგადოებრივი წესრიგის დარღვევის მუხლით სამი პირი დააკავეს, რომელთა სასამართლო პროცესიც ამ წუთებში მიმდინარეობს, - განუცხადეს ტაბულას შს სამინისტროს პრესსამსახურში.
პრესსამსახურში ასევე აღნიშნეს, რომ თავად ინციდენტთან დაკავშირებით გამოძიება სისხლის სამართლის კოდექსის 151-ე, მუქარის მუხლით მიმდინარეობს და სამი პირის დაკავება ამასთან კავშირში არ არის.