თავდაცვის სამინისტრო ხუთი ერთეული ამორტიზებული Cy-25 ტიპის მოიერიშე თვითმფრინავის გაყიდვას და მიღებული თანხით საქართველოს შეიარაღებული ძალების განვითარებას გეგმავს.
"შეიარაღებული ძალების საავიაციო პარკი საჭიროებს განახლებას. მათ შორის არის, ხუთი ერთეული Cy-25 ტიპის მოიერიშე თვითმფრინავი, რომელთა გაყიდვაც იგეგმება, რადგან ისინი ამორტიზირებულია და გარემონტებას არ ექვემდებარება. რამდენიმე წელია მათი ექსპლუატაცია სიძველის გამო ვერ ხერხდება. Cy-25-ის გაყიდვის საკითხი დღის წესრიგში დგას. თუმცა, ზუსტი დრო განსაზღვრული არ არის. მოიერიშეების გაყდვით მიღებული თანხები მოხმარდება საქართველოს შეიარაღებული ძალების განვითარებას. თავდაცვის სამინისტროს ამოცანაა საქართველოს ჰქონდეს თანამედროვე შეიარაღება და საავიაციო პარკის განახლებაც ამ მიზანს ემსახურება,"- აცხადებენ სამინისტროში.
