თბილისის უფლებამოსილებაშეჩერებული მერი გიგი უგულავა კენჭს ერთიანი ნაციონალური მოძრაობის თბილისის რაიონული ორგანიზაციის თავმჯდომარის თანამდებობაზე იყრის. როგორც უგულავამ გუშინ, ტელეკომპანია იმედის ეთერში, გადაცემა რეაქციაში განაცხადა. კენჭისყრა 1-ელ მარტს, ნაციონალური მოძრაობის ყრილობაზე გაიმართება.
"მე 1-ელ მარტს, როცა ჩატარდება ნაციონალური მოძრაობის ყრილობა, ვაპირებ კენჭი ვიყარო პარტიის თბილისის ორგანიზაციის თავმჯდომარის თანამდებობაზე. რაც შეეხება ჩემს დანარჩენ პოლიტიკურ გეგმებს, ამაზე სწორედ 1-ელ მარტს ვისაუბრებ", - აღნიშნა უგულავამ.
გიგი უგულავას თბილისის მერის უფლებამოსილება 2013 წლის 22 დეკემბრის ღამეს, სასამართლომ პროკურატურის მოთხოვნის საფუძველზე შეუჩერა.