იუსტიციის მინისტრმა საქართველოს პრემიერმინისტრს მთავარი პროკურორის თანამდებობაზე პროკურატურის საგამოძიებო ნაწილის ამჟამინდელი უფროსის, გიორგი ბადაშვილის კანდიდატურა წარუდგინა.
გიორგი ბადაშვილი მუშაობდა შინაგან საქმეთა სამინისტროს ანტიკორუფციული სააგენტოს დირექტორის მოადგილედ, სხვადასხვა დროს − ფინანსთა სამინისტროს საგამოძიებო სამსახურის მაღალ თანამდებობებზე. პროფესიით იურისტია, ფლობს ინგლისურ და რუსულ ენებს. 2013 წლის 22 ნოემბრიდან დღემდე იკავებს მთავარი პროკურატურის საგამოძიებო ნაწილის უფროსის პოსტს.
