საქართველოს მთავრობის პრესსამსახური განცხადებას ავრცელებს, სადაც წერია, რომ პრემიერმინისტრი ირაკლი ღარიბაშვილი სამთავრობო ცვლილებებს არ გეგმავს.
"ბოლო პერიოდში სხვადასხვა მედიასაშუალებაში ვრცელდა არაერთი ინფორმაცია მოსალოდნელ სამთავრობო ცვლილებაზე. ვაცხადებთ, რომ უახლოეს დღეებში პრემიერ-მინისტრი, კანონმდებლობის თანახმად, დანიშნავს ახალ მთავარ პროკურორს. სხვა საკადრო ცვლილება მთავრობაში დაგეგმილი არ არის.
ჩვენ მზად ვართ მედიას ოპერატიულად მივაწოდოთ დაზუსტებული ინფორმაცია ნებისმიერ სიახლეზე. ამ ეტაპზე გავრცელებული ინფორმაცია სინამდვილეს არ შეესაბამება", - ნათქვამია მთავრობის პრესსამსახურის მიერ დღეს, 4 იანვარს გავრცელებულ განცხადებაში.