27 წლის კალათბურთელი დუაიტ ჰოვარდი კმაყოფილებას ვერ მალავს იმ ფაქტით, რომ ჰიუსტონ როკეტსთან კონტრაქტი შეათანახმა. მისი თქმით, ახალ სეზონს დიდი ენთუზიაზმით ელის.
"ჰიუსტონი - საუკეთესო ადგილია კარიერის გასაგრძელებლად. ძალიან მოხარული ვარ, რომ მოლაპარაკებები წარმატებულად დასრულდა. მოუთმენლად ველი ახალი სეზონის დაწყებას," - განაცხადა ჰოვარდმა.
უახლოეს მომავალში, სუპერმენი ტექსასელებთან 4-წლიან კონტრაქტს მოაწერს ხელს და გამოიმუშავებს 88 მილიონ დოლარს. შეთანხმება 10 ივლისის შემდეგ გაფორმდება, როდესაც NBA-ს თავისუფალი აგენტების ბაზარი გაიხსნება. 2012/13 წლის სეზონში, ჰოვარდმა ლოს ანჯელეს ლეიკერსის მაისურით 76 მატჩში მიიღო მონაწილეობა რეგულარულ ჩემპიონატში, საშუალოდ 17.1 ქულას, 12.4 მოხსნას და 1.4 შედეგიან გადაცემას აგროვებდა.