შაბათს ქვეყნის მთავარი კათედრალის ეზოში სამკითხველო კარვებს გაშლიან. ინტერპრესნიუსის ცნობით, სამების ტაძრის ეზოში სამკითხველო კარვები გაიშლება, სადაც მოძრაობა "დავითიანისა" და გამომცემლობა "ბიბლუსის" ერთობლივი ღონისძიება - "წიგნის კითხვის დღე" ჩატარდება. ღონისძიებას პატრიარქი ილია მეორეც შეუერთდება.
კათოლიკოს-პატრიარქის მიერ დაწესებული შაბათის ტრადიციული წიგნის კითხვის დღე, ამჯერად ღია ცის ქვეშ გაიმართება. ტაძრის ეზოში სამკითხველო კარვებს "ბიბლუსი" და "ღია ბიბლიოთეკა" მოაწყობს. 50-მდე წიგნის მოყვარულ მკითხველს გურამ დოჩანაშვილის ნაწარმოები "მუსიკოსი" დაურიგდება. სიღრმისეული ანალიზისთვის მკითხველები ქართველი მწერლების კრებულებითაც დაჯილდოვდებიან.
