ბათუმის ბიუჯეტში ცვლილებები შევიდა. ქალაქის 2012 წლის ბიუჯეტი 4 მილიონ 689 ათასი ლარით შემცირდა.
გადაწყვეტილება ბათუმის საკრებულომ 15 ხმით 5-ის წინააღმდეგ მიიღო. ბიუჯეტის შემცირებას მხარი არ დაუჭირა ფრაქცია ბათუმელებმა.
ბათუმის მერიის საფინანსო სამსახურის უფროსის, არჩილ ვანაძის განმარტებით, ბიუჯეტის შემცირების ძირითადი მიზეზი დაგეგმილი პრივატიზაციების შეჩერება გახდა.
