თამაზ თამაზაშვილი, შინაგან საქმეთა მინისტრობის კანდიდატის ირაკლი ღარიბაშვილის სიმამრი, თავს დამნაშავედ არ სცნობს. მიუხედავად ამისა, მასთან გაფორმდა საპროცესო შეთანხმება და ის 10 ოქტომბერს ციხიდან გამოვა. პროკურატურამ ჩათვალა, რომ 1 წლიანი პატიმრობა საკმარისი იყო. 1 წელი თამაზაშვილის დაპატიმრებიდან 11 ოქტომბერს გადიოდა, თუმცა პატრიარქის კურთხევით, მას ერთი დღით ადრე გაათავისუფლებენ.
თამაზაშვილი მსჯავრდებულ იქნა ცეცხლსასროლი იარაღის და ასაფეთქებელი მოწყობილობის უკანონო შეძენა, შენახვასა და ტარებაში და მას 3 წლისა და 6 თვის ვადით თავისუფლების აღკვეთა მიესაჯა.
საქმე ბიძინა ივანიშვილის განსაკუთრებულ ყურადღების ქვეშ მოექცა. არჩევნების შემდეგ პირველ პრესკონფერენციაზე, ივანიშვილმა იმედი გამოთქვა, რომ თამაზაშვილს საპროცესო გარიგების საფუძველზე მალე გაათავისუფლებდნენ.
