საქართველოს 22 თებერვალს, აშშ-ის თავდაცვის მდივნის მოადგილე სელესტ ვოლანდერი ეწვევა. ამის შესახებ ორშაბათს, საგარეო საქმეთა მინისტრის მოადგილემ, ნინო კალანდაძემ განაცხადა. მანვე აღნიშნა, რომ თავდაცვის მდივნის მოადგილის ვიზიტი აშშ-ისა და საქართველოს პრეზიდენტების შეხვედრის „გამოძახილია “ და ამ ვიზიტის შედეგად მოლაპარაკებები ტექნიკურ ეტაპზე გადავა.
როგორც ცნობილია, ვაშინგტონში პრეზიდენტების შეხვედრაზე, აშშ-ის მხარემ გამოთქვა მზადყოფნა დაეხმაროს საქართველოს თავდაცვისუნარიანობის ამაღლებაში. ამ შეხვედრას მოჰყვა საქართველოს თავდაცვის მინისტრის ბაჩო ახალაიას და აშშ-ს თავდაცვის მდივანს ლეონ პანეტას შეხვედრა.
