ამერიკის შეერთებულ შტატებში ვიზიტის ფარგლებში, საქართველოს საგარეო საქმეთა მინისტრი გრიგოლ ვაშაძე გაეროს გენერალურ მდივანს ბან კი-მუნს შეხვდა.
საგარეო საქმეთა სამინისტროს ცნობით , შეხვედრაზე განიხილეს საქართველოს ოკუპირებულ ტერიტორიებზე არსებულ ვითარება და ჟენევის მოლაპარაკებები. საუბარი შეეხო დევნილთა შესახებ რეზოლუციის შესრულების შესახებ გენერალური მდივნის მომავალ მოხსენებასაც და გაეროს ფარგლებში თანამშრომლობის გაღრმავებასთან დაკავშირებულ საკითხებს.