გამოფენა გალერეა შარდენში

ხვალ, 25 ოქტომბერს, 19:00 საათზე, გალერეა შარდენი, სასტუმრო თბილისი მარიოტში, ვახტანგ (ტატო) ახალკაციშვილის პერსონალური გამოფენა გაიხსნება. ახალგაზრდა ხელოვანის ნამუშევრებს იცნობენ მსოფლიოს სხვადასხვა ქეყანაში.
 2006 წლიდან ტატო ახალკაციშვილის ნამუშევრები სისტემატურად იფინება: გერმანიაში, იაპონიაში და შეერთებულ შტატებში. მისი ნამუშევრები დაცულია ჯონ ტეფტის, ვიტორიო სანდალის, ბარონესა კორნელია ფონ ბიენატის, მიქელანჯელო პიპანის, რაიენ ულეს, ეკატერინე მეიერინგ-მიქაძის და არჩილ დარჩიას კოლექციებში.
ტატო ახაკლაციშვილის ნამუშევრები ასევე დაცულია კერძო კოლექციებში: გერმანია, საფრანგეთი, ინგლისი, იტალია, შვეიცარია, ჰოლანდია, საბერძნეთი, თურქეთი, ჩინეთი, იაპონია და აშშ.

გამოფენა სახელწოდებით „მოგონებები“ გალერეა შარდენში 11 ნოემბრამდე გაგრძელდება.