აფხაზეთის ე.წ. პრეზიდენტი ალექსანდრ ანქვაბი რუსეთის პრეზიდენტის დმიტრი მედვედევის მიწვევით 6 ოქტომბერს მოსკოვს ეწვევა. ამის შესახებ ცნობას კრემლის პრეს-სამსახური ავრცელებს. ანქვაბმა სეპარატისტული ხელისუფლება რამდენიმე დღის წინ გადაიბარა. მის ე.წ. პრეზიდენტად კურთხევის ცერემონიალს სოხუმში რუსეთის ფედერაციის საბჭოს თავმჯდომარე ვალენტინა მატვიენკო ესწრებოდა. სოხუმში მან განაცხადა , რომ მზადაა იყოს აფხაზების ინტერესების ლობისტი რუსეთის ფედერაციაში. მატვიენკომ ასევე ხაზი გაუსვა, რომ რუსეთი გააგრძელებს აფხაზეთის მხარდაჭერას საერთაშორისო არენაზე აღიარებისთვის.
ოკუპირებული აფხაზეთი
