გაერთიანებული სამეფოს საზღვაო სავაჭრო ოპერაციების სააგენტომ (UKMTO) განაცხადა, რომ "ორმა სწრაფმავალმა კატერმა, რომლებიც ირანის ისლამური რევოლუციური გვარდიის კორპუსთან (IRGC) არის დაკავშირებული" გაუხსნა ცეცხლი ომანის ჩრდილო-აღმოსავლეთით მდებარე ტანკერს.
ტანკერის კაპიტანმა განაცხადა, რომ აღნიშნულმა კატერებმა ცეცხლი გაფრთხილების გარეშე გახსნეს, ნათქვამია UKMTO-ს საინფორმაციო შეტყობინებაში, სადაც ასევე აღნიშნულია, რომ ხომალდი და მისი ეკიპაჟი უსაფრთხოდ არიან.
