გერმანიის კანცლერმა ფრიდრიხ მერცმა განაცხადა, რომ გასულ კვირას წარმოდგენილ აშშ-ს ახალ ეროვნული უსაფრთხოების სტრატეგიის ზოგიერთი ნაწილი ევროპული პერსპექტივით მიუღებელია.
"ნაწილი დამაჯერებელია, ნაწილი გასაგები, ხოლო ნაწილი სრულიად მიუღებელი ჩვენთვის, ევროპელებისთვის" – თქვა მერცმა აშშ-ს სტრატეგიაზე საუბრისას.
"მე ვერ ვხედავ საჭიროებას, რომ ამერიკელებმა ახლა ევროპაში დემოკრატიის გადარჩენა სცადონ. თუ მისი გადარჩენა საერთოდ გახდება საჭირო, ამას ჩვენ თვითონ შევძლებთ" – დაამატა მან.
მერცმა აღნიშნა, რომ სტრატეგიის შინაარსი ძირითადად მოულოდნელი არ ყოფილა და იგი დიდწილად ემთხვევა იმას, რაც აშშ-ს ვიცეპრეზიდენტმა ჯეი დი ვენსმა თებერვალში მიუნხენის უსაფრთხოების კონფერენციაზე თქვა.
მერცმა ჟურნალისტებთან საუბრისას აშშ-ს მთავრობას მიმართა: "ამერიკა პირველ რიგში’ მისაღებია, მაგრამ ‘მხოლოდ ამერიკა’ ვერანაირად ვერ იქნება თქვენს ინტერესებში. თქვენ გჭირდებათ პარტნიორები მსოფლიოში, და ამ პარტნიორებს შორის ერთ-ერთი შეიძლება ევროპა იყოს. თუ ევროპასთან ურთიერთობა ვერ შედგება, მაშინ აქციეთ გერმანია თქვენს პარტნიორად". – ამბობს გერმანიის კანცლერი.
მერცმა ხაზგასმით აღნიშნა, რომ ორივე მხარეს საერთო მიზანი აქვს და ეს მიზანი კონტინენტზე თავისუფლების, უსაფრთხოებისა და მშვიდობის შენარჩუნებაა.
