პოლონეთის ხელისუფლებამ ქვეყნის ტერიტორიაზე მოქმედი რუსეთის ბოლო საკონსულოს დახურვის გადაწყვეტილება მიიღო.
პოლონეთის საგარეო საქმეთა მინისტრის, რადოსლავ შიკორსკის თქმით, გადაწყვეტილება რუსეთის მხრიდან დივერსიულ ქმედებებს უკავშირდება.
მინისტრმა ვარშავა-ლუბინსკის სარკინიგზო მაგისტრალზე რამდენიმე დღის წინ მომხდარი აფეთქება იგულისხმა.
შიკორსკის განცხადებას გამოეხმაურა რუსეთის საგარეო საქმეთა სამინისტროს სპიკერი მარია ზახაროვა:
"პასუხი იქნება სარკისებური, რუსეთის მხარე საგრძნობლად შეამცირებს ქვეყანაში პოლონელი დიპლომატების წარმომადგენლობას".
სულ პოლონეთის ტერიტორიაზე დედაქალაქში მდებარე საელჩოს გარდა, 3 საკონსულო მოქმედებდა.
2024 წელს პოზნანში რუსეთის პირველი საკონსულო დაიხურა. 2025 წლის მაისში გაუქმდა კრაკოვის საკონსულო. დარჩენილი საკონსულო, რომლის დახურვა ახლო მომავალში მოხდება ქალაქ გდანსკში მდებარეობს.
