ტრამპის ადმინისტრაცია არგენტინისთვის დახმარების $40 მილიარდამდე გაზრდაზე მუშაობს

Associated Press-ის ინფორმაციით, ტრამპის ადმინისტრაცია კერძო სექტორის დაფინანსებით, არგენტინისთვის დახმარების 20 მილიარდი აშშ დოლარით გაზრდაზე მუშაობს.

ეს თანხა იმ 20-მილიარდიან საკრედიტო სვოპს დაემატება, რომელსაც აშშ ოქტომბერში არგენტინის პრეზიდენტ ხავიერ მილეის და მის მთავრობას არგენტინის ვალუტის გასამყარებლად და სტაბილიზაციისთვის შეჰპირდა.

“ჩვენ კერძო ბანკებთან და სუვერენულ ფონდებთან ერთად ვმუშაობთ 20-მილიარდიან ფონდზე, რომელიც სვოპ შეავსებს და, ვფიქრობ, რომ ისინიც ვალების ბაზრის მიმართ უფრო მეტ ყურადღებას გამოიჩენენ.” - განაცხადა აშშ-ს ფინანსთა მინისტრმა, სკოტ ბესენტმა. მან დაამატა, რომ მრავალმა ბანკმა და სუვერენულმა ფონდმა გამოხატა ინტერესი.

14 ოქტომბერს თეთრ სახლში მილეისთან შეხვედრაზე აშშ-ს პრეზიდენტმა დონალდ ტრამპმა თქვა, რომ მის ადმინისტრაციას სურს დახმარება, მაგრამ მან ასევე მიანიშნა, რომ იმ შემთხვევაში, თუ მილეის პარტია ვერ გაიმარჯვებს 26 ოქტომბრის შუალედურ არჩევნებში, შესაძლოა შეთავაზების გაუქმებაც.