უკრაინის სახელმწიფო უსაფრთხოების სამსახურის (СБУ) განცხადებით, 3 ივლისს უკრაინულმა დრონებმა იერიში ოკუპირებულ დონეცკის ოლქში რუსეთის საბრძოლო მასალის საცავზე მიიტანეს.
СБУ აცხადებს, რომ იერიშს საცავებში შენახული მასალის ძლიერი მეორადი აფეთქება მოჰყვა, რამაც სამხედრო ობიექტი კიდევ უფრო დააზიანა.
СБУ-ს ინფორმაციით, საბრძოლო მასალის საცავი ოკუპირებულ უკრაინულ ქალაქ ხარციზკში, დონეცკის მახლობლად მდებარეობდა, რომელიც "მნიშვნელოვან სტრატეგიულ ობიექტს წარმოადგენდა".
"მეტოქემ იქ სარდლობის პუნქტები, ლოგისტიკური ცენტრები და საბრძოლო მასალის საწყობები განალაგა. ეს ყველა ობიექტი სრულად ლეგიტიმური სამხედრო სამიზნეა" - ნათქვამია განცხადებაში.
