სომხეთის პარლამენტის თავმჯდომარის, ალენ სიმონიანის თქმით, სერიოზულად უნდა განიხილებოდეს სომხეთის ტერიტორიაზე რუსული ტელეარხების მაუწყებლობის შეჩერების საკითხი.
"ძალიან სერიოზულად უნდა განვიხილოთ რუსეთის ტელეარხების მაუწყებლობის შეწყვეტის საკითხი სომხეთის რესპუბლიკის ტერიტორიაზე". - თქვა სიმონიანმა.
სიმონიანის თქმით, ზოგიერთი რუსული სატელევიზიო პროგრამა სომხეთ-რუსეთის ურთიერთობებს ზიანს აყენებს.
"თუ არსებობენ არხები, რომლებიც საკუთარ თავს უფლებას აძლევენ ჩაერიონ სომხეთის საშინაო საქმეებში, ალბათ ჩვენც იმავე ფორმით უნდა ვუპასუხოთ, სულ მცირე, ავკრძალოთ მათ წვდომა ჩვენი საზოგადოების სახლებზე". - თქვა სიმონიანმა.
მისი შეფასებით, ასეთი პროგრამები და პოზიციები არა მხოლოდ მასში, არამედ სომხეთის მოქალაქეების აბსოლუტურ უმრავლესობაშიც ნეგატიურ ემოციებს იწვევს.
