კობახიძე: ჩვენ რაზეც ვმსჯელობთ, ყველაფერი თავსებადია გამოხატვის თავისუფლებასთან

თქვენ იცით როგორია დღევანდელი პრაქტიკა - არავითარი ზღვარი აღარ აქვს არც შეურაცხყოფას, არც ცილისწამებას და ეს არის საზოგადოების პრობლემა, ეს არ არის კონკრეტული პოლიტიკური სუბიექტის პრობლემა.

რა თქმა უნდა, შეურაცხყოფას, ცილისწამებას, ყველა ამ მანკიერ გამოვლინებას ჩვენ უნდა დავუპირისპირდეთ - ბუნებრივია, ეს უნდა მოხდეს გამოხატვის თავისუფლების ფარგლებში და ჩვენ რაზეც ვმსჯელობთ, ყველაფერი თავსებადია გამოხატვის თავისუფლების ძირითად უფლებასთან.

ამ ძირითადი უფლების ფარგლებში, ყველა საჭირო ზომა უნდა იყოს მიღებული.