პოლონეთმა საქართველოს სამართალდამცავი უწყებების 8 წარმომადგენელს ქვეყანაში შესვლა აუკრძალა. განცხადებას საქართველოში პოლონეთის საელჩო აქვეყნებს.
როგორც განცხადებაშია აღნიშნული, სანქცირებული 8 მაღალჩინოსანი საქართველოში მიმდინარე საპროტესტო აქციების მონაწილეების წინააღმდეგ განხორციელებულ ძალადობაზე არიან პასუხისმგებელნი.
"საქართველოში ოპოზიციის წინააღმდეგ მიმართული რეპრესიების ზრდის საპასუხოდ, პოლონეთმა სამართალდამცავი ორგანოების 8 წარმომადგენელს, რომლებიც პასუხისმგებელნი არიან დემონსტრანტების წინააღმდეგ განხორციელებულ ძალადობაში, საკუთარ ტერიტორიაზე შესვლა აუკრძალა.
პოლონეთი მხარს უჭერს ქართველი საზოგადოების პროევროპულ მისწრაფებებს". - წერია განცხადებაში.
