გიორგი გახარიაზე თავდასხმა

კობახიძე: როცა გამხელენ, რომ ხარ ნაცი, თმენით უნდა შეხვდე, გახარიამ ვერ მოითმინა

ხშირად საუბრობენ პოლიტიკოსებთან მიმართებით თმენის ვალდებულებაზე, არ ვიცი, ეს როგორ არის პოლიტიკოსებთან მიმართებით, ჩემი შეხედულება მაქვს ამაზე, მაგრამ როცა ხარ ნაცი და როცა ხარ ჯაშუში, იქ ნამდვილად გაქვს შენ თმენის ვალდებულება.

როდესაც გამხელენ და გეუბნებიან, რომ ხარ ნაცი და ჯაშუში, ამას თმენით უნდა შეხვდე, ეს ვერ მოითმინა გახარიამ და მიიღო პასუხი, მან წამოიწყო ძალადობრივი დაპირისპირება, რაც, რა თქმა უნდა, უპასუხოდ არ დარჩა. ეს არის ბუნებრივი, სამწუხარო მოვლენაა, მაგრამ ბუნებრივია, გასაგებია, იყო რეაქცია. კიდევ ვიმეორებ - როცა ხარ ჯაშუში და როცა ხარ ნაცი, გეკისრება თმენის ვალდებულება.

ამბობს ბიძინა ივანიშვილის წარმომადგენელი ირაკლი კობახიძე გიორგი გახარიაზე თავდასხმის შესახებ.

ბათუმში პარტია საქართველოსთვის ლიდერს, გიორგი გახარიას და ჟურნალისტ ზვიად ქორიძეს თავს დაესხნენ და ფიზიკურად გაუსწორდნენ ქართული ოცნების დეპუტატი დიმიტრი სამხარაძე და აჭარის უმაღლესი საბჭოს წევრი გიორგი მანველიძე, სხვა პირებთან ერთად.

შსს-მ გახარიაზე თავდასხმის ფაქტზე გამოძიება ძალადობის მუხლით დაიწყო.

კომენტარები