გრეგოროვა: რეზოლუციაში გაწერილია სანქციები მათზე, ვინც საარჩევნო მანიპულაციების უკან არიან

რეზოლუციაში, რა თქმა უნდა, არის გაწერილი ნათელი ნაბიჯები. მაგალითად, ინდივიდუალური სანქციები იმ ადამიანების მიმართ, რომლებიც ამ საარჩევნო მანიპულაციების უკან არიან ისევე, როგორც სავიზო შეზღუდვები ამ ადამიანებისთვის. ამიტომ, ძალიან მიზანმიმართულია ეს პაკეტი და ძალიან მნიშვნელოვანიც, ვინაიდან ამ პირებს აქვთ ფუფუნება, რომ ივანიშვილის რეჟიმის ფარგლებში იახტით მოგზაურობდნენ ევროპაში და არ უნდა მივანიჭოთ მათ ამის ფუფუნება.

განაცხადა ევროპარლამენტარმა მარკეტა გრეგოროვამ სტრასბურგში გამართულ პრესკონფერენციაზე, რომელსაც ნიკა გვარამია, თინათინ ბოკუჩავა და ასევე ევროპარლამენტარები - რასა იუკნევიჩიენე და პეტრას აუსტრევიჩიუსი - ესწრებოდნენ.

მანამდე, რადიო თავისუფლების ევროპული ბიუროს უფროსმა რიკარდ იოზვიაკმა წინა კვირას განაცხადა, რომ 28 ნოემბერს ევროპარლამენტი საქართველოზე არასავალდებულო რეზოლუციას მიიღებს.