11 ოქტომბერს ცეცხლსასროლი იარაღით შეიარაღებულმა პირებმა რუსეთში, ინგუშეთში მთავარ მაგისტრალზე ინგუშეთის შინაგან საქმეთა სამინისტროს ექსტრემიზმის წინააღმდეგ ბრძოლის ცენტრის თავმჯდომარის მოადგილის, ადამ ხამხოევის მანქანას ცეცხლი გაუხსნეს. ინფორმაციას რუსული სამთავრობო გამოცემა TACC-ი ავრცელებს.
შემთხვევის შედეგად დაიღუპა 3 ადამიანი. მათ შორის, 1 სამართალდამცავია, ხოლო სხვა დაღუპულები აღნიშნული თანამდებობის პირის ნათესავები არიან.
მომხდარზე გამოძიება სისხლის სამართლის 2 მუხლითაა დაწყებული.
TACC-ის ცნობით, თავდამსხმელებმა შემთხვევის ადგილი მალევე დატოვეს და ჩრდილოეთ ოსეთის რეგიონის მიმართულებით გაემართნენ, თუმცა პოლიციამ ისინი უკვე დააკავა.
