29 სექტემბრის ღამეს, უკრაინის უშიშროების და შეიარაღებულმა ძალებმა ერთიანი ოპერაცია ჩაატარეს და იერიში მიიტანეს ვოლგოგრადის ოლქში მდებარე იარაღის საწყობზე.
ვოლგოგრადის ოლქის ქალაქ კოლტუბანში მდებარე საწყობში რუსეთის თავდაცვის სამინისტრო რაკეტებს, ტყვია-წამალს და პირველი ხარისხის ფეთქებად მასალებს ინახავს.
უკრაინამ 600 კილომეტრის მანძილიდან საწყობზე იერიში 120 კამიკაძე-დრონით მიიტანა.
უკრაინის შეიარაღებული ძალების მაღალჩინოსნის, ანდრეი კოვალენკოს თქმით, საწყობში ასევე ინახებოდა ირანული ბალისტიკური რაკეტები.
