16 სექტემბერს კურსკის ოლქის ერთ-ერთ დასახლებაში, უკრაინის შეიარაღებული ძალების საჰაერო თავდასხმის ჯარების ნაწილებმა თანამედროვე რუსული საჰაერო სადესანტო საბრძოლო მანქანა BMD-4 გაანადგურეს.
დარტყმის ვიდეო უკრაინის შეიარაღებული ძალების საჰაერო-სადესანტო თავდასხმის ჯარებმა სოციალურ ქსელებში გამოაქვეყნეს.
"პირველი დარტყმის დროს საარტილერიო ცეცხლმა მოწინააღმდეგის საბრძოლო მანქანა უბრალოდ დააზიანა. მეორე და მესამე დარტყმა კი წარმატებული აღმოჩნდა - მტერი მანქანიდან გადმოვიდა და რუსული სოფლის ნანგრევებში მიმოიფანტა, სადაც მათ უკვე უკრაინელი ჯარისკაცები ელოდნენ". - წერია უკრაინის შეიარაღებული ძალების საჰაერო-სადესანტო თავდასხმის ჯარების გვერდზე.
