კობახიძე: 50 000 ლარს მიიღებს ყველა ის პარასპორტსმენიც, რომელსაც მედალი არ აქვს

პარალიმპიურ თამაშებამდე განცხადება გავაკეთეთ იმასთან დაკავშირებით, რომ ოლიმპიური თამაშების ანალოგიურად, მედალოსნებისთვის იგივე ოდენობის ჯილდოები იქნებოდა დაწესებული. რა თქმა უნდა, ეს ჯილდოები უმოკლეს ვადებში სათანადოდ გაიცემა. მინდა, აღვნიშნო, რომ ყველა ის პარასპორტსმენი, რომელსაც მედალი მოგებული არ აქვს, ასევე 50 000 ლარის ოდენობის ჯილდოს მიიღებს. თქვენი წარმატების დაფასება ჩვენი განსაკუთრებული ვალია.