რუსეთმა ქალაქ პოლტავის ერთ-ერთ ინსტიტუტზე ბალისტიკური რაკეტებით იერიში მიიტანა. წინასწარი მონაცემებით დაიღუპა 40, ხოლო დაშავდა 180 ადამიანი.
რუსულ დაბომბვას გამოეხმაურა უკრაინის პრეზიდენტი ვოლოდიმირ ზელენსკი:
"პოლტავაზე რუსული იერიშის ანგარიში მივიღე. ამ დროის მონაცემებით გამოყენებული იყო 2 ბალისტიკური რაკეტა, რომლებიც სასწავლო დაწესებულებას და ახლომდებარე საავადმყოფოს დაეცა. ნაწილობრივ განადგურდა კავშირგაბმულობის ინსტიტუტის ერთ-ერთი შენობა. ადამიანები ნანგრევების ქვეშ მოექცნენ".
ადგილზე მუშაობენ მაშველები. ამ დროისთვის ნანგრევებიდან 25 ცოცხალი ადამიანი ამოიყვანეს.
რუსულ სახელმწიფო მედიებში წერენ, რომ ინსტიტუტის ტერიტორიაზე უკრაინის შეიარაღებული ძალების შტაბი იყო.
