უკრაინამ რუსეთში, როსტოვის ოლქში მდებარე პროლეტარსკეს ნავთობბაზაზე კიდევ ერთი იერიში მიიტანა. ნავთობობიექტზე ცეცხლს უკვე რამდენიმე დღეა ვერ აქრობენ.
ტელეგრამ-არხი BAZA წყაროებზე დაყრდნობით წერს, რომ ახალი თავდასხმა დრონების გამოყენებით დაახლოებით მოსკოვის დროით 5 საათზე მოხდა. წინასწარი ინფორმაციით, არავინ დაშავებულა.
ნავთობის საცავში ხანძარი 18 აგვისტოს გაჩნდა. მისი ჩაქრობა ამ დრომდე ვერ ხერხდებოდა. არსებობს ხანძრის გავრცელების საშიშროება.
პარალელურად, რუსეთის თავდაცვის სამინისტროში ირწმუნებიან, რომ ჩამოაგდეს 7 უკრაინული დრონი - 4 ბელგოროდის ოლქში, 3 კი კურსკის ოლქში.
