Squid Game-ის მეორე სეზონი მიმდინარე წლის 26 დეკემბერს გამოვა.
სერიალის ახალ სეზონზე მუშაობა უკვე დასრულებულია, გადამღები ჯგუფი მესამე, ფინალური სეზონის გადაღებით არის დაკავებული, რომელიც წინასწარი მონაცემებით 2025 წელს გამოვა.
Squid Game 2021 წლის ერთ-ერთი ყველაზე ცნობილი სენსაციური სერიალია, რომელიც მოკლე დროში Netflix-ის ყველაზე ნახვადი შოუ გახდა. სიუჟეტის მიხედვით ადამიანები დიდი ფულის სანაცვლოდ სასიკვდილო თამაშებში იღებენ მონაწილეობას, რომელსაც იდუმალებით მოცული ორგანიზატორები კუნძულზე ატარებენ.
