რუსული კანონი

ელისაშვილი: 2 თვეა, დაზარალებულის სტატუსი არ მაქვს – ბრალიც არავის წარუდგინეს

უკვე 2 თვე გავიდა მას შემდეგ, რაც კანცელარიასთან ჩემზე, როგორც პარლამენტის მოქმედ დეპუტატზე, პოლიციელებმა ორგანიზებული, ჯგუფური ძალადობა მოაწყვეს. წაქცეულს გაშმაგებით როგორ მირტყამდნენ, კადრებში ჩანდა, რომელიც გავრცელდა კიდეც [...] 2 თვეა, სამარცხვინო ორგანიზაცია, სპეციალური საგამოძიებო სამსახური გამოძიებას წელათრევით აწარმოებს - და შედეგი რა გვაქვს. არავისთვის, არცერთი პოლიციელისთვის ბრალი არ წარუდგენიათ. არადა, ის ადამიანები, ვინც მირტყამდნენ, სახეზე ჩანან. ისინი არც დაუკითხავთ და არც დაუკავებიათ. უფრო მეტიც, 2 თვეა, სპეციალური საგამოძიებო სამსახური დაზარალებულადაც კი არ მცნობს. ასეთ სამარცხვინო ქვეყანაში ვცხოვრობთ. 

თქვა პარტია მოქალაქეების ლიდერმა, ალეკო ელისაშვილმა. ელისაშვილი 17 აპრილს, რუსული კანონის საწინააღმდეგო აქციის დროს, რამდენიმე პოლიციელმა კანცელარიაში შეათრია და წაქცეულზე გამეტებით ურტყა.

კომენტარები