კობახიძე: ცინიკურია, რომ კანონს "MEGOBARI აქტი" ეწოდება, მე ვუწოდებდი "დაუდზინებელი აქტს"

რეალურად ეს ყველაფერი იმის გაგრძელება, რაზეც ვსაუბრობდი, ეს არის ჩვეულებრივი ღალატი, ღალატის გაგრძელება. ცინიკურია, რომ იმ კანონს, რომელიც განიხილება კონგრესში, ეწოდება „MEGOBARI აქტი", როცა პირდაპირ მტრობაზეა საუბარი ამ აქტში, მე ამ კანონს ვუწოდებდი „დაუდზინებელი აქტს", მოუხდებოდა ამ კანონს ასეთი სათაური. ნუ, ძალიან სამწუხაროა, ძალიან სამწუხაროა, რა თქმა უნდა, ეს ყველაფერი არ წაადგება ქართულ-ამერიკული ურთიერთობების გაჯანსაღებას. არადა, კიდევ ერთხელ შეგახსენებთ, 2020-21, შემდეგ 2022 წელი, წინა ელჩის ჩართულობით იყო რევოლუციის მცდელობა და ამ ფონზე, როცა ადამიანები ფიქრობენ არა გაჯანსაღებასა და გადატვირთვაზე, არამედ ამ გაფუჭებულის კიდევ უფრო გაფუჭებაზე, ეს არის სამწუხარო. ყველას მოვუწოდებ, იმოქმედონ პრაგმატულად და საკუთარი წვლილი შეიტანონ ქართულ-ამერიკული ურთიერთობებში.