კრამონი: ივანიშვილი ემზადება, სანქციების შემთხვევაში ფული საქართველოში გადაიტანოს

წერს X-ზე გერმანელი ევროპარლამენტარი, ვიოლა ფონ კრამონი.

პარლამენტმა დაჩქარებული წესით, პირველი მოსმენით მხარი დაუჭირა საგადასახადო კოდექსში ცვლილებას, რომელიც შეღავათიანი დაბეგვრის მქონე ქვეყანაში (ოფშორული ზონა) რეგისტრირებული კომპანიის საქართველოს საწარმოსთვის გადაცემის შემთხვევაში, საწარმოს და პარტნიორ ფიზიკურ პირს მიღებული შემოსავლის დაბეგვრისგან ათავისუფლებს.

საგადასახადო კოდექსში შესაძლო ცვლილებას ეხმაურება პარლამენტის წევრი რომან გოცირიძე და სოციალურ ქსელში წერს, რომ აღნიშნული კანონპროექტით "ბიძინა ივანიშვილს ეძლევა უფლება, დაუბეგრავად და შავი ფულის გათეთრების წინააღმდეგ მოქმედი ნორმების გვერდის ავლით, შემოიტანოს საქართველოში ოფშორებში გადამალული თავისი ქონება, წილები, აქციები".