უკრაინის შეიარაღებული ძალების ცნობით, საჰაერო ძალებმა ბოლო 24 საათის განმავლობაში ხარკოვისა და დნეპროპეტროვსკის რეგიონების თავზე ოთხი რუსული შაჰიდის ტიპის დრონი ჩამოაგდეს.
უკრაინული რეგიონების მიმართულებით დრონები რუსული ქალაქებიდან, პრიმორსკო-ახტარსკიდან და კურსკისგან გაუშვეს.
გარდა ამისა, უკრაინის საჰაერო ძალების ცნობით, რუსულმა ძალებმა ოკუპირებული დონეცკის ოლქიდან და ბელგოროდის ოლქიდან უკრაინის მიმართულებით ხუთი С-300 ტიპის მართვადი რაკეტა გაუშვეს. უკრაინული მხარე არ აკონკრეტებს რომელი რეგიონები იყო რაკეტების სამიზნე.
პარალელურად, რუსეთის თავდაცვის სამინისტროს მტკიცებით, გასულ ღამით რუსულმა საჰაერო თავდაცვის სისტემამ 4 უკრაინული დრონი გაანადგურა.
მათივე ცნობით, ერთი უპილოტო საფრენი აპარატი განადგურდა ბელგოროდის ოლქის თავზე, ხოლო კიდევ სამი დრონი - ნიჟნი ნოვგოროდის ოლქში.
