ჩვენ განვაცხადეთ, რომ შევუერთდებით ამ ინიციატივას, რადგან ჩვენთვის უმთავრესი ეროვნული ამოცანა დღეს არის ხელისუფლების ცვლილება და მიგვაჩნია, რომ ამისთვის ძალიან მნიშვნელოვანია საერთო ოპოზიციური კონსოლიდაცია, კონსოლიდაცია საზოგადოებაში.
რამდენიმე პარტია უკვე მიწვეულია პრეზიდენტ ზურაბიშვილთან კონსულტაციებზე. სავარაუდოდ, უახლოეს მომავალში ჩვენც გვექნება შესაძლებლობა.
ყველა კომუნიკაცია, იქნება ეს საჯარო თუ არასაჯარო, რა თქმა უნდა, ერთიანი ნაციონალური მოძრაობისთვის, ყველაზე მნიშვნელოვანი და ფუნდამენტური საკითხი პრეზიდენტ ზურაბიშვილთან მიმართებაში არის პრეზიდენტ სააკაშვილის შეწყალების საკითხი.
